- Sag over beina. Rut svoren – skjer gjennom svoren og litt ned i spekket. Rut parallelt med beina – då vert det lettare å dele opp ribba.
- Gni ribba inn med salt og pepar og legg ho med svoren ned i ei langpanne. Ribba blir best om ho får stå med salt og pepar i 2-3 dagar før ein steikjer ho.
- Ta opp ribba og tørk litt av ho. Legg ho i langpanne med svorsida opp. Legg ein asjett eller litt folie under ribba, slik at ho vert litt høgare på midten. Slå på 3 dl vatn, dekk med aluminiumsfolie og set ribba i varm omn, om lag 250°C. Lat ribba stå 30 minutt.
- Ta bort folien og senk temperaturen til 200°C. Steik vidare i om lag 2 timar. Steikjetida vil variere etter kor tjukk ribba er.
- Dersom svoren ikkje er sprø, kan ein heve temperaturen eller bruke grillen mot slutten av steikjetida. Pass på så ikkje svoren blir brend.
- Vent i 20 minutt før ein skjer opp ribba, så kjøtsafta får sett seg.
I Sogn og Fjordane bruker mange heimelaga kjøtpølse til griseribba, elles høyrer gulrot og surkål til.
