Denne oppskrifta er sendt inn av Bergit Mikkelsen frå Fyresdal. Hun har lært å lage spikjefisk på denne måten av mor si:
Du skal take den finaste auren du fiskar til spikjefiske, det er festmate til jol og då skal det beste fisken brukast. Den alle beste fisken er gjeldfisk på cirka 300-500 gram. Ein gjeldfisk er ein fisk som ikkje skal gyte dette året.
Aller helst skal kjøtet vere raudt, då ser det meire delikat ut.Når du fiskar/håndterar fisken er det viktig at den ikkje kjem kontakt med jord /anna ureint , grunna faren for botulisme.
Vask og kok ei kjeramikk krukke (kokast cirka 15 min). Avkjøl krukka før du har fisken i.
Ta ein fisk, ta ut innmaten, fjern blodranda, vask den godt og fileter den med ein skarp kniv. Beina kan fjernast dersom ein vil det, men det er ikke naudsynlege.
Del fisken opp i passande serveringsstykke.
Ha finkorna salt på ei skål (salt utan jod). Dekk heile fiskestykket med salt. Alle sider skal dekkast med salt. Slå fiskestykket mot kanten av skåla for å bli kvitt overskotssaltet.
Legg fiskestykka i krukka, kjøtside mot kjøtside. Neste lag blir skinnside mot skinnside. Fyll krukka opp, legg eit dobbelt matpapir på toppen. Legg så eit nytt lag med dobbelt matpapir heilt øverst. Dette laget må vere så stort at det går utover kanten for at det ikkje skal kome noko filleskap oppi krukka.
Set på lett press på toppen. Eg brukar eit syltetøyglas med singel i. Presset skal gjere at væska i fisken blir pressa ut og blandar seg med saltet. Deretter trekkjer dette inn atte i fisken og gjer til at den blir «spikja». Oppbevarast kaldt, til dømes i ein kjellar.
Sjå på det med jamne mellomrom, det skal danne seg lake som skal dekke fiskestykka. Dersom det er lite lake kan ein koke ein vanleg saltlake og fylle opp i krukka. Spikjefisken skal stå i 2,5 – 3 mnd. før den er ferdig.
Fiskestykka skal skyllast godt før servering. Er dei for salte må dei vatnast ut. Ein kan «skrape» ut kjøtet og ha det på brødskiva. Smaken skal vere mild og «spekeaktig» med litt smak av fisk «øverst» oppi smakskanten. Serverast på brødskive med godt smør under.
