- Skrell potetene. Rasp potetene eller skjær dei bitar og ha dei i foodprosessor. Når alle potetene er raspa/knuste til fin masse, tilset salt, kveitemjøl og byggmjøl til passe fast deig. Er det nypoteter ein nyttar inneheld dei litt meir veske, då må ein ha justere mjølmengda litt. Deiga skal vere laus, men det skal vere mogeleg og forme kaker i handa av den.
- Set på ei panne med rikeleg vatn, tilsett salt (om ein har kraft frå kokte kjøttbein, brukar ein det, gjev mest smak).
- Det salta flesket kuttar ein i terningar og formar dei til ein liten klump ca. 2,5 cm i diameter. Ein treng ein til kvar kake, men dei kan og lagast ut flesk i.
- Når vatnet/krafta kokar formar ein kaker i handa på ca. 6-7 cm. Det er lurt å dyppe hendene i lunka vatn før ein begynner med deiga. Form kaka rund, lag ei fordjuping, legg flesket i og dekk det godt til. No legg ein kaka i det kokande vatnet med ei sleiv, slik held ein på til alle kakene er komne i panna. Vatnet må koke medan ein legg kakene i panna, slik at dei ikkje klistrar seg saman. Når alle kakene har stått og kokt godt i nokon minutt, kan ein ta ein slikkepott og dra rund kanten i panna, då løyser kakene seg frå kanten og botnen, men ver varsam om ein ynskjer heile kaker.
- Raspekaker skal koke ca. 1 time, men kan gjerne stå lenger.
Vanleg tilbehør er kålrabi, salta kjøt, stekt flesk eller sauehovud.
