Kvitost
Frisk og god ost etter gammel metode.
Tilbehør
Middels
30minutter
Sør-Trøndelag
Lagre som favoritt
Ingredienser
- 10 l mjølk
- 1 ts løplau' (osteløpe)
Fremgangsmåte
- Varm opp mjølka og osteløpe til 33 grader. Etter eit kvarters tid løyper mjølka. Ta opp osten i ei osteform med hol i slik at mysa renn ut. Press osten ned i ei form slik at minst mogeleg myse er att, og la han stå til neste dag slik at enda meir myse kan renne ut.
- Pakk inn osten i eit klede og legg han bort til lagring i gjæring.
1 porsjon gir 1 kg ost. Den ferdige kvitosten av skumma mjølk er frisk på smak. Ei skive ost er mesta gjennomsiktig! Det er ein god ost til pålegg på brødskiva og til å eta attåt smør, potet og flatbrød.
Rettens opphav
Denne oppskrifta er henta fra «Tradisjonsmat i Rennebu» utgitt av Rennebu Bygdekvinnelag i 2004. Separert eller skumma mjølk (på 1800-talet kalla renn-mjælk i Rennebu) er att når fløten blir tatt bort. Denne mjølka er grunnlag for alle dei ymse osteprodukta som vi veit har vore laga på setra, og heime på gardane i bygda.
I boka kan vi lese at fersk kvitost var «gotter» åt ungane! Ingeborg fortel: «Når mor koka kvitost på setra, sto vi ungane rundt kokringen og storgryta. I det mjølka sprakk, auste ho hendene våre (forma som ei skål) fulle av kvit ostemasse. Då sprang vi ut på setervollen og slafsa i oss dette som vi kalla kjæsmus – herrleg!