Kakeoppskrift fra Hedleholen i Rogaland.
Server med smør, brunost, syltetøy eller etter eige ønskje! Kakene kan gjerne frysast, og treng ikkje så lang tining.
Denne oppskrifta er sendt inn av Sandnes Bygdekvinnelag. Dei skriv:
Oppskrifta kjem frå Hedleholen i Julebygda i Sandnes. Det var Ingeborg Malmin, fødd Stangeland, som truleg hadde oppskrifta med seg frå heimen sin i Klepp. Namnet på oppskrifta reknar ein med vart laga etter at ho kom til Hedleholen. Ingeborg Døydde i i 1939, 69 år gammal. Då hadde ho fødd 12 born som kunne ta oppskrift og tradisjon med vidare.
Barnebarn fortel at dei vart kjende med oppskrifta i heimane sine. Hedlehestane vart nytta i ulike samanhengar. Dei var enkle å lage og greie å ta med når ein skulle gå med mat til arbeidsfolk som dreiv med skur, potetopptak, hesjing eller anna onnearbeid. Dei trong litt ekstra i ein travel kvardag. Elles vart kakene også brukte til vanleg kaffimat.
