close
search
close

Logg inn


Glemt passord? Personvern

Registrer deg

Ved å registrere deg får du tilgang til dine favorittoppskrifter uavhengig av hvilken enhet du bruker
Fylker Finn oppskrift Tradisjonsmatskolen Om Norsk tradisjonsmat favorite_borderMine favoritter search
search
keyboard_arrow_rightAlle fylker keyboard_arrow_right Landsdekkendekeyboard_arrow_right Oslo og Akershuskeyboard_arrow_right Aust-Agderkeyboard_arrow_right Buskerudkeyboard_arrow_right Finnmarkkeyboard_arrow_right Hedmarkkeyboard_arrow_right Hordalandkeyboard_arrow_right Møre og Romsdalkeyboard_arrow_right Nord-Trøndelagkeyboard_arrow_right Nordlandkeyboard_arrow_right Opplandkeyboard_arrow_right Rogalandkeyboard_arrow_right Sogn og Fjordanekeyboard_arrow_right Sør-Trøndelagkeyboard_arrow_right Telemarkkeyboard_arrow_right Tromskeyboard_arrow_right Vest-Agderkeyboard_arrow_right Vestfoldkeyboard_arrow_right Østfold
Hjem / Sogn og Fjordane / Bordstabelbakkels

Bordstabelbakkels

Tradisjonsrik julekake frå Jølster.

  • local_offer Kaker
  • local_dining Middels
  • timer 3 timer
  • location_on Sogn og Fjordane
  • favorite_border
    Lagre som favoritt

Ingredienser

  • 2 stk egg
  • 250 g sukker
  • 2 ss fløyte
  • 500 g kveitemjøl (cirka)
  • 250 g smør/margarin
  • 4 stk eggekviter
  • 11⁄2 dl sukker
  • 300 g skålda mandlar

Fremgangsmåte

  1. Pisk egg og sukker til eggedosis og tilset i fløyten.
  2. Smuldre smøret i mjølet og bland i eggedosisen. Elt saman deigen og set han kaldt.

Topping:

  1. Visp eggekvitane halvstive og tilset sukker og malne mandlar.

Baking:

  1. Kjevl deigen tynt ut og skjer ut stenger på om lag 16 x 3-4 cm.
  2. Steik kakene midt i omnen ved 180 grader i 5-6 minutt til dei er lys gule. Avkjøl på flat rist.
  3. Når alle kakene er steikte, legg ei stripe med mandelmasse på kvar kake. Legg dei på plate igjen og set dei i omnen ved 75-100 grader med omnsdøra litt open. Lat dei stå til mandelmassen har stivna utan å bli mørk, om lag 2 timar.

Ein serverer gjerne bordstabel til dessertane i jula.

Tips!

Dersom ein køyrer mandelmassen på matmølle og har i litt ekstra eggekvite, kan ein sprøyte massen på kakene. Ein kan òg legge på mandelmassen med ein gong. Steik dei då ved 175 grader i 10 minutt.
place
Sogn og Fjordane

Rettens opphav

Denne oppskrifta er frå boka "Alle tiders Fjordamat" av Åse Kongsvik og Kari Støfringsdal (utgitt i samarbeid med Sogn og Fjordane Bygdekvinnelag på Selja Forlag i 2002).
Bordstabel blir av mange rekna som ein av dei sju slaga til jul. I boka kan vi lese at tradisjonen med dei sju slaga til jul gjeld det vi til vanleg kallar småkaker. Dei kan vere steikt i smolt, jarn eller steikjeomn. Dei som vart steikte i smolt og i jarn er nok dei eldste sortane. Mange hadde ikkje tilgang til steikjeomn før vedkomfyren kom på byrjinga av 1900-talet. Etterkvart som margarinen kom og erstatta smøret, og sukkeret var rimelegare og betre tilgang på, kunne også "vanlege folk" lage småkaker.

Følg oss på instagram